Ysgolion Iach

Mae Ysgol Llanilar wedi bod yn aelod o Gynllun Ysgolion Iach Ceredigion ers 2004. Rydym yn ceisio atgyfnerthu'r hyn a ddysgir am iechyd yn y dosbarth ym mywyd beunyddiol yr ysgol.

Yn ystod cyfnod 1 y cynllun cyflawnwyd 3 maes gweithredu

Yr Amgylchedd

Rheolaeth

Bwyta'n Iach

Crëwyd ffeil ar y 3 maes a chafodd ei drosglwyddo i'r tîm Ysgolion Iach. Roedd yr adroddiad a dderbyniwyd nôl ganddynt yn nodi bod y gwaith o safon uchel.

Cyflawnwyd 3 maes gweithredu arall yn cyfnod 2 y cynllun. Sef-

Gweithgareddau Corfforol

Hybu iechyd

Sylweddau

Crëwyd ffeil arall ar y 3 maes yma a chafodd ei drosglwyddo i'r tîm Ysgolion Iach ym mis Medi 2007. Derbyniodd yr ysgol y Wobr Ysgolion Iach, Cyfnod 2, ym mis Ionawr 2008.

Y meysydd gweithredu ar gyfer cyfnod 3 oedd

Rheolaeth

Iechyd Emosiynol a Lles

Gweithle Hybu Iechyd

Crëwyd ffeil o dystiolaeth ar y 3 maes a chafodd ei drosglwyddo i'r tîm Ysgolion Iach. Daeth dîm o aseswyr allan i gwrdd â phlant yr ysgol a chafwyd cyfle i fynd am daith o gwmpas. Roedd y dystiolaeth a welwyd yn dangos bod yr ysgol wedi cyrraedd ei hamcanion yn y tri maes. Derbyniodd yr ysgol y Wobr Ysgolion Iach, Cyfnod 3, ym Mehefin 2009.

Rydym bellach yn gweithio ar gyfnod 4 y cynllun. Y maes gweithredu eleni yw

· Addysg Perthnasau a Rhyw

Rydym yn parhau i weithredu ar y meysydd blaenorol, fel rhan o'r Cynllun mae'r ysgol yn

darparu poteli dŵr ar gyfer pob plentyn ac yn hybu'r plant i yfed dŵr yn ystod y dydd.

hybu bwyta'n iach drwy wneud dewisiadau iach amser cinio a dod â ffrwyth i'r ysgol i'w fwyta amser chwarae.

gwerthu ffrwyth yn y siop amser chwarae.

trefnu 'Diwrnod Hybu Ffrwythau' - ble rhoddir y cyfle i bawb flasu ffrwythau gwahanol, hybu neges 'Bwytwch 5', a dod â hoff ffrwyth i'r ysgol.

cydnabod y perthynas rhwng diet iach, iechyd y geg ac iechyd yn gyffredinol sy'n cynnwys diet ac ymarfer corff.

trefnu ymweliadau â'r deintydd, nyrs yr ysgol a'r ysbyty er mwyn atgyfnerthu gwaith ar iechyd o fewn y dosbarth.

sicrhau amgylchedd croesawgar drwy hau hadau i dyfu planhigion a blodau; edrych ar fanteision ail-gychu - poteli llaeth, papur, bin compost. (Mae hyn

ynglwm â'r Ysgolion Eco).

gwella'r iard chwarae drwy ehangu a marcio'r iard a phrynu sied i gadw adnoddau.

trefnu gemau iard drwy ddarparu profiadau ar gyfer gwahanol fathau o gemau amser chwarae.

Dysgu yn flynyddol am 'Diogelwch yn yr haul'.

rhoi'r cyfle i'r plant hyn fod yn aelod o'r 'Bygiau Baco!'.

trefnu 'Wythnos y Plentyn'.

Gobeithiwn feithrin agweddau, sgiliau ac ymddygiad cadarnhaol yn ein disgyblion drwy fod yn rhan o'r Cynllun Ysgolion Iach.